Pajisje moderne mjeko-ligjore për Policinë e Shtetit

Policia shqiptare do të punojë me pajisje moderne mjeko-ligjore që do t’i ndihmojnë në luftën kundër krimit të organizuar. Këto pajisje u dorëzuan sot nga projekti i financuar nga BE-ja, EU4FOCAL dhe nga Delegacioni i Bashkimit Evropian. Policët e Institucionit të Mjekësisë Ligjore janë trajnuar edhe për programin e bazës së të dhënave të ADN-së (CODIS), i cili mundëson identifikimin e personave të përfshirë në krime. BE-ja është e angazhuar të mbështesë Policinë e Shtetit në forcimin e bashkëpunimit të saj me agjencitë ligjzbatuese të BE-së. atsh