Takim i nivelit të lartë mes Suedisë dhe Turqisë përpara

Duke pasur parasysh bllokimin turk për pranimin e Suedisë në NATO, është planifikuar një takim i përfaqësuesve të rangut të lartë nga Suedia, Finlanda dhe Turqia përpara një samiti të aleancës së mbrojtjes në korrik, njoftoi sot sekretari i përgjithshëm i NATO-s, Jens Stoltenberg. “Ky takim do të përfshijë ministrat e Jashtëm, krerët e shërbimeve sekrete dhe këshilltarët e sigurisë kombëtare. Qëllimi është të arrihet një progres në përfundimin e pranimit të Suedisë në NATO”, tha Stoltenberg në një konferencë për shtyp, në Lituani. “Presidentin turk, Recep Tayyip Erdoğan, qeveritë në Stokholm dhe Helsinki ranë dakord të zhvillojnë një takim të nivelit të lartë, në Bruksel përpara samitit të NATO-s më 11-12 korrik në kryeqytetin lituanez, Vilnius”, than Stoltenberg. Në vazhdën e pushtimit rus të Ukrainës, Suedia dhe Finlanda aplikuan për anëtarësim në NATO në maj 2022. Finlanda është anëtare e aleancës që nga prilli 2023, ndërsa Suedisë i mungon ende miratimi i Turqisë dhe Hungarisë. Ankaraja po bllokon pranimin e Suedisë kryesisht me arsyetimin se Suedia po merr masa të pamjaftueshme kundër “organizatave terroriste”. atsh