Raporte kontradiktore për situatën e luftës Rusi-Ukrainë

Raporte kontradiktore janë shfaqur në lidhje me gjendjen e luftës së Rusisë kundër Ukrainës, me Kievin që thotë se ”ka avancuar” dhe Moska thotë se ”Ukraina ka pësuar humbje katastrofike gjatë kundërsulmit të saj”. ”Ushtria ukrainase ka avancuar deri në 250 metra në zona të ndryshme të rajonit lindor të Donetskut”, shkroi në Telegram zëvendësministrja ukrainase e Mbrojtjes, Hanna Maliar. Në afërsi të qytetit port jugor të Berdyansk, ushtria spastroi një zonë prej rreth tre kilometrash katrorë. Ndërkohë, presidenti rus Vladimir Putin tha se humbjet ukrainase ishin 10 herë më të larta se pala ruse. Deklaratat e të dy palëve ndërluftuese nuk mund të verifikoheshin në mënyrë të pavarur. Megjithatë, ekspertët ndërkombëtarë komentuan sukseset vendase në kundërsulmin e Ukrainës. atsh