Seminar mbi Digjitalizimin dhe Artin në Korçë

Në Korçë u zhvillua sot workshop-i i digjitalizimit dhe artit, në kuadër të Javës së Evropës 2023, ku u paraqit projeksioni i hartës së pikturave Zengo, të frymëzuara nga femrat e para artiste piktore shqiptare. Delegacioni i BE-së në vendin tonë përcolli pasditen e sotme momente nga aktiviteti, të cilin e cilësoi eksperiencë mbresëlënëse fare pranë qendrës së qytetit të Korçës. “Seminari mbi Digjitalizimin dhe Artin, bashkë me përvojën e saj 360°, na la të mahnitur! Të frymëzuar nga puna e jashtëzakonshme e piktoreve të para profesioniste në Shqipëri, u mahnitëm nga projeksioni digjital i pikturave Zengo”, u shpreh Delegacioni i BE-së në rrjetet sociale. Të rinjtë mësuan rreth historisë së artit dhe digjitalizimit nga profesorë ekspertë në Universitetin e Arteve në Tiranë. Seminari bëri bashkë trashëgiminë kulturore të qytetit, aftësitë digjitale novatore, artistë të rinj, teknologjinë, dhe fuqinë e krijimtarisë. Ndalesa tjetër do të jetë përurimi i fazës së 2-të EU4Innovation dhe panairi digjital në Tiranë. Dita përfundoi me Konkursin e Shkollës së Thurjes për fëmijë, ku artizanët vendas përcollën atësitë bazë të veshjeve të thurura. atsh