Burimet e energjive të rinovueshme në Shqipëri

Territori shqiptar, edhe pse është i pasur me burime të energjive të rinovueshme të erës dhe rrezatimit diellor, furnizimin me energji elektrike e bazon në burimet hidrike. Duke qenë se burimet hidrike varen ngushtësisht nga reshjet dhe prurjet e lumenjve në kaskada, furnizimi me energji vetëm në bazë të hidrocentraleve krijon shpesh mangësi.Në këto kushte, inkurajimi i përdorimit të burimeve të tjera energjitike është një domosdoshmëri aq më tepër që Shqipëria rezulton një vend me potenciale të larta të energjive të rinovueshme. Një nga burimet potenciale të energjive të rinovueshme në Shqipëri është rrezatimi diellor që territori merr gjatë vitit, i cili rezulton në vlera të larta në pjesën më të madhe të territorit