Sot në Tiranë u çel edicioni i 5-të i “Tirana International Watercolor Biennale”, organizuar nga shoqata kulturore VIZart. Bienalja do të prezantohet në hapësirat e Galerisë së Artit Tiranë dhe të Muzeut Historik Kombëtar, me evente që do të alternohen por edhe do të zhvillohen paralelisht. Një prej ekspozitave më interesante do të jetë ekspozita vetjake e mjeshtrit moldav Ihor Mosiichuk që u nda nga jeta një vit më parë. Kjo ekspozitë zhvillohet në kujtim të këtij mjeshtri të madh të akuarelit, në mjediset e GAT. Ekspozita e 15 mjeshtrave ndërkombëtarë të akuarelit do të mund të vizitohet nga artdashësit në Muzeun Historik Kombëtar. Gjithashtu do të zhvillohet RINArt /Tirana International Contemporary Art Festival, festivali ndërkombëtar i artistëve të rinj, të cilët do të shprehen përmes çdo lloj mediumi të artit. Deri në datën 14 maj, në bienale do të ekspozojnë punimet e tyre rreth 100 artistë. Një pjesë e tyre do të realizojë dhe performanca “live” që do të ndiqen nga artdashës e veçanërisht studentë të artit. atsh
- Advertisment -