Deklaratë vjetore tatimore personale për të ardhurat mbi 1. 2 milionë lekë

Në ligjin “Për tatimin mbi të ardhurat”, i publikuar në Fletoren Zyrtare, përcaktohet detyrimi për çdo individ me të ardhura mbi 1.2 milionë lekë në vit për të plotësuar deklaratën vjetore tatimore personale të njohur si (DIVA). Deri këtë vit këtë detyrim për të plotësuar DIVA-n e kishin personat që realizonin të ardhura mbi 2 milionë lekë në vit. “Një individ është i detyruar të dorëzojë një deklaratë vjetore tatimore personale kur të ardhurat tatimore vjetore të tij ose saj janë më shumë se 1 200 000 lekë në vit nga të gjitha burimet ose kur është në marrëdhënie punësimi me më shumë se një punëdhënës, pavarësisht nga shuma e të ardhurave që merr nga punëdhënësit”, thuhet në ligj. Detyrimin sipas ndryshimeve të reja në ligj, e ka edhe çdo individ me më shumë se 50 000 lekë e çdo të ardhure tjetër që nuk i nënshtrohen tatimit përfundimtar në burim. Ndërkohë ligji përcakton se çdo person fizik që kryen veprimtari ekonomike është i detyruar të dorëzojë deklaratën tatimore vjetore për të ardhurat nga biznesi. atsh