Rriten abonentët e rrjetit 5G

Agjencia e analizave Omdia ka publikuar të dhënat e reja për trendin e tregut 5G. Shifrat janë në rritje dhe tregojnë për një skenar që do të shohë pothuajse 6 miliardë abonentë në rrjetin e gjeneratës së re deri në vitin 2027. Në fund të vitit 2022, ishin 1.5 miliardë. Dy elementë kryesorë që nxisin bumin. E para është disponueshmëria e më shumë telefonave inteligjentë të pajtueshëm me standardin, madje edhe në rangun e çmimit mesatar. Ndërsa e dyta ka të bëjë me rritjen e konkurrencës mes operatorëve, e cila ka bërë të mundur uljen e abonimeve për përdoruesit. Raporti konfirmon vlerësimet e fundit të Ericsson, të cilat treguan një rimëkëmbje të fortë në sektor, duke shtuar pothuajse 140 milionë abonime çdo tre muaj. Omdia thotë se 455 milionë lidhje të reja 5G u shtuan në mbarë botën në vitin 2022, duke përfaqësuar 14% rritje të vazhdueshme tremujore, nga 922 milionë në tremujorin e tretë në 1.05 miliardë në tremujorin e katërt. Amerika e Veriut është lider në vendosjen e lidhjeve pa tel 5G me një total prej 119 milionë lidhjesh. Depërtimi i popullatës i 5G në tregun e Amerikës së Veriut po i afrohet 32%. Për Ericsson, trafiku i përgjithshëm global i të dhënave celulare arriti në 118 ekzabajt në muaj në fund të vitit 2022 dhe pritet të katërfishohet në 325 ekzabajt deri në fund të vitit 2028. atsh