BE kompensim financiar për humbjet e shkaktuara nga importi i grurit ukrainas

Polonia do të marrë kompensim financiar nga BE-ja për humbjet e shkaktuara nga importi i grurit ukrainas, njoftoi kryeministri polak, Mateusz Morawiecki. Varshava tha se eksportet e grurit ukrainas, në vend që të eksportohen në vende të tjera, po akumulohen në Poloni, duke ulur çmimet e brendshme dhe duke shkaktuar probleme financiare për fermerët. “Polonia do të marrë më shumë kompensim nga BE-ja. Këtë herë, për humbjet e shkaktuara nga importet e grurit ukrainas”, tha Morawiecki në Facebook. “Kompensimi është vlerësuar në afro 30 milionë euro (32.68 milionë dollarë) nga BE-ja”, shtoi ai. Komisioni Evropian njoftoi dje në mbrëmje se vendet anëtare të BE-së kanë miratuar një paketë të ndihmës me vlerë 56 milionë euro për të mbështetur fermerët në vendet kufitare, që janë përballur me pasojat e rritjes së importeve të produkteve bujqësore ukrainase. atsh