Agjencia Kombëtare e Planifikimit të Territorit (AKPT) ka njoftuar shpalljen e Konkursit Ndërkombëtar për Projektide për 3 Komplekset e Stadiumeve të Futbollit në Durrës, Korçë dhe Vlorë. Ky është një konkurs i hapur ndërkombëtar projektimi që organizohet në dy faza. Konkursi ka 3 site ose lote. Aplikantët ose ofertuesit mund të aplikojnë për një ose më shumë lote. Konkursi është i hapur për të gjitha ekipet e profesionistëve, të cilat janë të aftë për të përmbushur kriteret vijuese: Aplikanti të jetë i regjistruar ose i njohur nga një organ akreditues në vendin ku ushtron aktivitetin; ose në rastin kur nuk zbatohen ligjet e ngjashme të regjistrimit ose njohjes, aplikanti të jetë anëtar i një institucioni (urdhri, etj.) për profesionin në vendin ku ushtron aktivitetin. Secili ekip në fazën I duhet të përbëhet nga të paktën, një arkitekt kryesor (drejtues i skuadrës), një arkitekt ndihmës, një arkitekt peizazhi, një artist, një urbanist, një inxhinier konstruktor dhe një preventivues. Të gjithë anëtarët e ekipit duhet të identifikohen në “Deklaratën e përbërjes së ekipit”. Finalistët do të shpërblehen për punën me 40,000 euro (secili), ndërsa fituesit do të lidhin kontratat e projektit të zbatimit. atsh
- Advertisment -