Tv Klan – Pranverë e parakohshme në vend | Lajme News

Jemi në stinën e dimrit, por temperaturat janë ato të një dite pranvere… Termometri këtë të hënë shkoi deri në 16 gradë Celsius. Sipas parashikimeve në fundjavë temperaturat do të shënojë edhe mbi 20 gradë Celsius. “Dita ditës pritet të kemi rritje të temperaturave, që pritet të regjistrojnë vlerat 18 apo 19 gradë deri të premten. Fundjava do të sjellë një tjetër rritje të temperaturave, duke bërë që të kemi maksimumi edhe mbi 20 gradë Celsius.” Moti i pazakontë ka përfshirë edhe zonat malore, ku temperaturat minimale nuk pritet t’i kalojnë 2 gradë Celsius. Një situatë e tillë nuk është normale për muajin Shkurt. “Këto temperatura janë deri në 4.5 gradë më të larta se vlerat normale sa i përket muajit Shkurt”. Sipas parashikimeve java do mbizotërohet nga ditët me diell. Vranësirat e pakta nuk pritet të sjellin reshje shiu. “Do të kemi orë të shumta me diell, parashikohet që fundjava ti ketë vranësirat më të shpeshta, por nuk pritet të kemi reshje.” Masat e ngrohta ajrore kanë përfshirë thuajse gjithë rajonin e Ballkanit.