Von der Leyen: Mbështetje për Ukrainën

Nuk do të ketë “asnjë limit” në mbështetjen e Bashkimit Evropian për Ukrainën kundër pushtimit të Rusisë, premtoi presidentja e Komisionit Evropian Ursula von der Leyen në një fjalim në Davos. Von der Leyen u tha udhëheqësve të biznesit global në Forumin Ekonomik Botëror se BE-ja ishte “e përfshirë për aq kohë sa të jetë e nevojshme dhe do të qëndrojë pranë miqve tanë ukrainas”. ”Disbursimi i parë prej 3 miliardë eurosh (3.2 miliardë dollarë) i një pakete mbështetjeje prej 18 miliardë eurosh për Ukrainën të martën ishte “një mesazh i fortë” për të forcuar stabilitetin financiar të Ukrainës”, theksoi ajo. Kryetarja e Komisionit tha gjithashtu se ”BE do të vazhdojë të ndihmojë Ukrainën të rivendosë furnizimin me energji elektrike, ngrohje dhe ujë pas sulmeve me raketa ruse dhe të ndihmojë rindërtimin afatgjatë të vendit”. ATSH