Tv Klan – Krishtlindjet me diell | Lajme – News

Me mot të ngrohtë dhe pa reshje, pritet të kalohet Krishtlindja këtë vit. Sinoptikanët parashikojnë që temperaturat të rriten disa gradë mbi normalen, duke na bërë të përjetojmë orë me diell si të ishte vjeshtë. Hakil Osmani: Gjatë kësaj fundjave pritet të kemi ore të shumta me diell dhe herë pas here kalime të pakta vranësirash, por nuk do të sjellin rreshje . Sa i takon temperaturave gjatë kësaj fundjave pritet të rriten ndjeshëm pasi do të kemi temperaturë dhe 19 gradë Celcius, duke bërë që të jenë 3,5 gradë mbi temperaturat normale. Edhe nata e ndërrimit të viteve do të kalojë pa flokët e dëborës edhe pse moti do të ftohet. Hakil Osmani: Për fat të keq nuk ka sinjal të kemi rreshje dëbore për Vit të Ri, por gjatë gjithë javës temperaturat e ajrit do të bien duke filluar nga e marta duke u afruar pranë vlerave normale të muajt Dhjetor. Ashtu siç ishte parashikuar edhe më herët nga ekspertët e motit, ky dimër pritet të jetë një ndër dimrat më të ngrohtë. Janari mendohet të sjellë një valë të të ftohtit, por ende mbetet për t’u parë.