Në vazhdën e tureve të herëpashershme, personeli i DPA-së ka mirëpritur në një vizitë, një grup studentësh, të interesuar posaçërisht për Kodikët. Vizitorët iu drejtuan Vendruajtes së Dokumenteve, ku sigurohet mbajtja në kushte optimale e pasurisë dokumentare kombëtare. Ata mundën të këqyrnin nga afër disa prej njësive arkivore të Fondit “Koleksion i Kodikëve”, i cili përbën vetëm një njësi të pasurisë së pamatë që strehon Arkivi Qendror Shtetëror (AQSH). Studentët mësuan disa të dhëna mbi “thesarin” e AQSH-së që daton më hershëm, Kodikun e Purpurt të Beratit. Gjithashtu, ata zbuluan më shumë mbi përpunimin e pergamenës, mbi shkrimet e shenjta, mbi teknikat specifike të përkujdesjes së këtyre pasurive etj. Drejtoria e Përgjithshme e Arkivave sqaron se për të vizituar Arkivin është e nevojshme të paraqitet një e-mail në [email protected] që përmban të dhënat personale të kërkuesit apo të grupit që do të kryejë vizitën.https://ata.gov.al/2022/12/15/arkivi-qendror-shteteror-i-hapur-per-vizitoret/
- Advertisment -