Investimet e huaja,344 milionë eurove

Investimet e huaja direkte u rritën në 3-mujorin e tretë të këtij vitit. Banka e Shqipërisë, bëri të ditur se fluksi i investimeve të huaja direkte në 3-mujorin e tretë arriti vlerën e 344 milionë eurove, në rritje me 32% krahasuar me të njëjtën periudhë të vitit të kaluar. Për 9-mujorin 2022, vlera e investimeve të huaja direkte arriti në 984 milionë euro, shifër kjo 35% më e lartë krahasuar me të njëjtën periudhë të një viti më parë. Rritja e investimeve të huaja po mbështetet gjithnjë e më shumë te fitimet e riinvestuara të ndërmarrjeve ekzistuese. Fitimet e rinvestuara kanë një epërsi të qartë në strukturën e investimeve të huaja për të gjithë 9-mujorin. Në 9 muaj, ndërmarrjet me aksionerë të huaj kanë riinvestuar fitime në vlerën e 532 milionë eurove, ose sa 54% e investimeve të huaja direkte gjatë kësaj periudhe. Pesha e lartë e fitimeve të riivestuara është tipike sidomos për sektorët e industrisë nxjerrëse apo të shërbimeve financiare, që kërkojnë flukse të vazhdueshme të investimeve të reja për të mbështetur rritjen e biznesit.https://ata.gov.al/2022/12/13/investimet-e-huaja-arrijne-vleren-e-344-milione-eurove/