Ekspozita “Korça dje dhe sot”

Në qytetin e Korçës është hapur një ekspozitë e veçantë e fotografisë nga Ylli Trajçe. E titulluar “Korça dje dhe sot”, ekspozita sjell kujtesë historike, emocione e nostalgji. Kryetari i bashkisë Korçë, Sotiraq Filo, ka ftuar artdashësit, ta vizitojnë, duke shkruar në rrjetet sociale se kjo ekspozitë sjell në kujtesën e të gjithëve Korçën e disa viteve më parë dhe Korçën e sotme. “Nostalgji dhe emocione të shkëputura nga qyteti”, shkruan kryebashkiaku Filo, për fotot e Ylli Trajçes. Për të gjithë të apasionuarit pas artit të fotografisë por edhe kureshtarët që duan të shohin ndryshimet që ka pësuar në vite qyteti i Korçës, ekspozita do të vijojë të jetë e hapur edhe nesër, në Galerinë e Bibliotekës “Thimi Mitko”.https://ata.gov.al/2022/12/13/ekspozita-korca-dje-dhe-sot-ne-biblioteken-thimi-mitko/