Mbajtja hapur e të gjitha akseve rrugore gjatë stinës së dimrit është një ndër prioritetet e Autoritetit Rrugor Shqiptar. Autoriteti Rrugor Shqiptar bëri të ditur sot se janë marrë të gjitha masat për të siguruar qarkullimin e lirë të mjeteve në të gjitha akset rrugore. “Jemi gati për mirëmbajtjen dimërore nga data 15 nëntor e deri më 31 mars me mjete e punëtorë, për të siguruar që qarkullimi të jetë normal në të gjitha rrugët kombëtare”, bëri të ditur Autoriteti Rrugor Shqiptar. Për vitin 2023 janë planifikuar 2.6 miliardë lekë për mirëmbajtjen e rrjetit rrugor kombëtar. Përmes këtyre investimeve synohet rritja e sigurisë rrugore në të gjitha akset kombëtare, me qëllim uljen e numrit të aksidenteve me pasojë humbje jete njerëzish dhe uljen e numrit të pikave të zeza me 25%, sipas Strategjisë Kombëtare të Transportit. Qeveria parashikon ndërhyrjen në 4044 km rrugë sipas standardeve në të gjithë territorin.https://ata.gov.al/2022/11/16/arrsh-garantim-i-qarkullimit-normal-ne-cdo-aks-kombetar-gjate-dimrit/
