Stoltenberg: NATO nuk duhet të bëjë gabim duke nënvlerësuar Rusinë

NATO nuk duhet të bëjë gabim duke nënvlerësuar Rusinë, pavarësisht tërheqjeve të fundit të trupave ruse nga Ukraina dhe Khersoni, paralajmëroi sot sekretari i përgjithshëm i Aleancës, Jens Stoltenberg. “Forcat e armatosura ruse kanë rezerva të konsiderueshme të armëve, si dhe një numër të madh trupash”, tha Stoltenberg gjatë një vizite në Holandë. “Rusia ka demonstruar gatishmërinë e saj për të përballuar humbje të konsiderueshme dhe gjithashtu ka treguar një brutalitet ekstrem”, tha shefi i aleancës, duke iu referuar skenave të tmerrshme në rajonet lindore të çliruara të Ukrainës. Deklarata e zyrtarit të lartë të NATO-s, erdhi pas një takimi me ministrin e Jashtëm holandez, Wopke Hoekstra dhe ministren holandeze të Mbrojtjes, Kajsa Ollongren ku u diskutua mbështetja e vazhdueshme e aleancës për Ukrainën. Stoltenberg mirëpriti ndihmën financiare prej 120 milionë eurosh (120 milionë dollarë) nga Holanda për të mbështetur Ukrainën. Hoestrka njoftoi gjithashtu 20 milionë euro financim për fondin e ndihmës së NATO-s për Ukrainën. “Ndërsa, 25 milionë euro të tjera do të shkojnë për racionet e ushqimore, ndihmën e parë, ambulancat, kamionët me karburant dhe bllokuesit e dronëve për Ukrainën”, shtoi Ollongren.https://ata.gov.al/2022/11/14/holande-stoltenberg-nato-nuk-duhet-te-beje-gabim-duke-nenvleresuar-rusine/