Rehabilitimi i 27 urave: Projekti BB nis në 2023

Një projekt i ri për rehabilitimin e urave në Shqipëri, do të nisë në bashkëpunim me Bankën Botërore vitin që vjen. Zv.kryeministrja, njëherazi ministre e Infrastrukturës dhe Energjisë, Belinda Balluku deklaroi sot se, “me një financim prej 100 milionë euro, do të nisë rehabilitimi dhe sistemimi i 27 urave, që janë përzgjedhur nga inventari i të gjitha urave që kemi në vendin tonë”. “Ky projekti do të shtrihet për një periudhë 7-vjeçare”, tha Balluku, teksa vuri në dukje se MIE e ka nisur punën për rikonstruksionin e urave që në vitin 2019. Gjatë vitit 2023 do të fillojë puna për dy urat e para, që janë ura e Beshirit dhe ajo e Viroit, për të vijuar më pas me urat e tjera.http://ata.gov.al/2022/11/03/rehabilitimi-i-27-urave-balluku-projekti-me-bb-nis-ne-2023/