Qeveria heq rregullin e vaksinimit kundër Covid-19 për punonjësit shëndetësorë

Qeveria e re e Italisë ka hequr kërkesën për vaksinimin kundër Covid-19 për punonjësit shëndetësorë në spitale dhe shtëpitë e të moshuarve. Që nga e marta, rreth 4 000 punonjës shëndetësorë që nuk janë vaksinuar kundër koronavirusit do të jenë në gjendje të punojnë sërish”, njoftoi sot kryeministrja Giorgia Meloni, në Romë. Masa e qeverisë së mëparshme të udhehequr nga Mario Draghi do të ishte e vlefshme deri në fund të vitit. Stafi shëndetësor duhet të vazhdojë të mbajë maska. Roma forcoi gjithashtu gjobat për të goditur festat ilegale. Organizimi i tubimeve me më shumë se 50 persona që përbëjnë një kërcënim për rendin, integritetin ose shëndetin publik mund të rezultojë në gjoba nga 1000 deri në 10000 euro (989-9893 dollarë). Qeveria shtyu gjithashtu hyrjen në fuqi të një reforme gjyqësore të bërë nga Kabineti i Draghi, që përfshinte fondet e BE-së për rimëkëmbjen pas pandemisë. Roma duhet të sjellë në fuqi reformën deri në fund të vitit për të përmbushur afatet për aksesin e fondeve.http://ata.gov.al/2022/10/31/itali-qeveria-heq-rregullin-e-vaksinimit-kunder-covid-19-per-punonjesit-shendetesore/