Banka e Shqipërisë bëri të ditur se mbiçmimi i ndjeshëm i lekut ndaj euros ka tkurrur vlerën e bilancit të sektorit bankar të shprehur në monedhën vendase, në 6-mujorin e parë të vitit. Sipas BSH-së, në fund të muajit qershor, euroja këmbehej me 119.3 lekë, në rënie me afërsisht 1.4% me bazë vjetore. Ndërsa në fund të shtatorit, euroja këmbehej me 116.6 lekë, në rënie me 3.4% që nga fillimi i vitit. Mbiçmimi i lekut gjatë tremujorit të dytë të vitit 2022, ka bërë që efekti statistikor i kursit të këmbimit në vlerën e raportuar të bilancit valutor të sektorit bankar të ishte negativ, në vlerën e 11 miliardë lekëve. Në anën e aktivit, forcimi i monedhës vendase ka pasur ndikim më të madh në zërat kryesorë të bilancit si veprimet me thesarin dhe ndërbankare, me efekt negativ prej katër miliardë lekësh dhe tek veprimet me klientët (kreditë), me një efekt negativ prej pesë miliardë lekësh. Efekti statistikor i kursit të këmbimit është reflektuar në kundërvlerën në lekë të depozitave në valutë, me 12 miliardë lekë më pak. Sipas Bankës së Shqipërisë, aktivet e sektorit bankar u zgjeruan me rreth 2% gjatë periudhës dhe me 10% në krahasim me një vit më parë.http://ata.gov.al/2022/10/11/forcimi-i-lekut-tkurri-me-11-miliarde-leke-bilancin-e-sektorit-bankar/
- Advertisment -