UBT, fermë didaktike për praktikat mësimore të studentëve

Pranë Universitetit Bujqësor të Tiranës (UBT) do të ngrihet një fermë didaktike eksperimentale, që do t’u vijë në ndihmë studentëve të këtij universiteti për kryerjen e praktikave mësimore. Rektori i UBT-së, prof. dr. Fatbardh Sallaku shprehet se, ferma do të ndërtohet tërësisht mbi parimet e Prodhimit të Integruar (PI) dhe e mbështetur në praktikat më të mira bujqësore europiane, duke ju ardhur në ndihmë studentëve të kryejnë praktika konkrete mësimore në fushën e bujqësisë dhe kërkimit shkencor. Në fermën didaktike do të ndërthuret, prodhimi organik, biodiversiteti i lartë, permakultura, biodinamika, si edhe zbatueshmëria e kontrollit biologjik të dëmtuesve. Qëllimi dhe filozofia, e kësaj tip ferme, është krijimi i një ferme pilot, shumëfunksionale, eksperimentale, agroturistike, por edhe qendër didaktike e kërkimore-shkencore për praktikat profesionale të studentëve të Universitetit Bujqësor të Tiranës, që i shërben rritjes profesionale së studentëve.https://ata.gov.al/2022/10/06/ubt-ferme-didaktike-per-praktikat-mesimore-te-studenteve/