Coolio, reperi, hiti i mrekullueshëm i të cilit “Gangster’s Paradise” e shndërroi atë në një yll ndërkombëtar, vdiq papritur dje, në moshën 59-vjeçare. ”Artisti i njohur ishte duke vizituar një mik në Los Angeles dhe shkoi në banjë, por nuk doli kurrë prej andej”, raportoi TMZ. ”Kur miku shkoi për të kontrolluar Coolion, ai e gjeti atë pa ndjenja në dysheme”, sipas TMZ. Mjekët konstatuan vdekjen e tij në vendngjarje. Shkaku i vdekjes së Coolio mbetet i paqartë, por menaxheri i tij i tha TMZ se mjekët besojnë se ai vdiq nga arresti kardiak. Coolio, emri ligjor i të cilit ishte Artis Ivey Junior, u bë i njohur Los Anxheles në vitet ’80, por ai u bë një emër kombëtar me hitin numër 1 “Gangster’s Paradise” në 1995. Gjithashtu, ai ishte autori i dy këngëve në kolonën zanore të “Space Jam”. Coolio gjithashtu shpërndau famën e tij në dhjetëra role filmike, duke përfshirë një paraqitje në “Batman & Robin” të vitit 1997, me aktorin George Clooney.https://ata.gov.al/2022/09/29/ylli-i-repit-coolio-vdes-papritur/
- Advertisment -