“100 qytetet inteligjente për ndryshimet klimatike”

Elbasani, si pjesë e projektit ambicioz “100 qytetet inteligjente për ndryshimet klimatike”, po përgatit një masterplan për shtimin e korsive të biçikletave, hapësirave të gjelbra mes zonave urbane të qytetit dhe një qasje te re në transportin publik. Në “Javën e Lëvizshmërisë Evropiane”, kryetari i bashkisë Gledian Llatja, bashkë me drejtorin e Sekretariatit të Transportit në Evropë, Matej Zakonisek pedaluan në Elbasan në një prej ditëve pa makina. “Edhe ne në Elbasan po iniciojmë “Javën e Lëvizshmërisë Evropiane”, por me fëmijët, disa prej të cilëve pedalojnë për herë të parë. Bashkë me ne është edhe Matej, i cili iu bashkua nismës sonë për të pedaluar me ne. Elbasani është një qytet i bekuar, pasi aksesohet shumë kollaj, pasi ka një sipërfaqe të sheshtë, të përshtatshme për biçikletat”, tha Llatja, i cili ka pedaluar bashkë me fëmijët. Sipas tij, kjo është faza e parë e projektit për të promovuar lëvizjen me biçikletë, si dhe për ti dhënë ajër të pastër qytetit. “Sa më shumë të pedalojmë, sa më shumë të ecim në këmbë, aq më pak ndotje do të kemi në qytet”, tha Llatja. Nga ana e tij drejtori i Sekretariatit të Transportit në Evropë, Matej Zekonisek tha se “më vjen mirë që ndodhem në Elbasan në “Javën e Lëvizshmërisë Evropiane”, me qëllim që të kemi më shumë shëndet. Do të thotë më shumë ecje në këmbë, më shumë pedalim, më pak transport publik”.https://ata.gov.al/2022/09/21/elbasan-nis-projekti-100-qytetet-inteligjente-per-ndryshimet-klimatike/