Shtatë persona kanë vdekur përgjatë bregut të Adriatikut të Italisë qendrore për shkak të motit të keq gjatë natës, njoftoi sot Mbrojtja Civile. Sipas mbrojtjes civile, moti i keq kishte shkaktuar vdekjen e shtatë personave në provincën e Ankonës në rajonin qendror të Marche, duke shtuar se disa banorë të tjerë ishin zhdukur, duke përfshirë një fëmijë. Deputeti dhe presidenti i rajonit Marche, Francesco Acquaroli tha në Facebook se ai po ndiqte nga afër zhvillimet meteorologjike dhe operacionet e shpëtimit, pas goditjes së rajonit nga moti i keq. “Këto janë momente të frikës ekstreme”, shkroi ai. Të enjten, Mbrojtja Civile paralajmëroi banorët për përmbytje të shpejta. Qeveria lokale e Ankonës tha se përmbytjet ishin pasojë e reshjeve të vazhdueshme dhe të zgjatura.https://ata.gov.al/2022/09/16/itali-shtate-te-vdekur-dhe-tre-te-zhdukur-pas-permbytjeve/
- Advertisment -