Ndryshimet që ka ndërmarrë Banka e Shqipërisë në rregulloren “Për licencimin dhe ushtrimin e veprimtarisë nga subjektet financiare jobanka”, i përjashtojnë institucionet e mikrokredisë dhe ato të blerjes së kredive me probleme nga e drejta për të zhvilluar veprimtarinë e agjentit në sigurime. Banka e Shqipërisë bën të ditur se, ndryshimet bazohen në nevojën për saktësim të ndalimit të këtyre institucioneve për të ushtruar veprimtari të tjera të ndryshme nga kredidhënia dhe shërbimet këshilluese për veprimtarisë e kredidhënies, siç është në rastin konkret veprimtaria e agjentit në sigurime. BSH-ja saktëson në këtë rregullore se, “veprimtaria e agjentit në sigurime është e lejueshme dhe e aplikueshme vetëm për institucionet financiare jo banka, por jo për institucionet financiare të mikrokredisë”. Sipas Bankës së Shqipërisë, i njëjti trajtim parashikohet edhe për institucionet financiare që kanë si objekt të veprimtarisë së tyre vetëm blerjen e kredive me probleme. Aktualisht, në Shqipëri operojnë 38 subjekte financiare jobanka.https://ata.gov.al/2022/09/15/bsh-produktet-e-sigurimit-vetem-nga-institucionet-financiare-jo-banka/
- Advertisment -