Presidenti francez, Emmanuel Macron zhvilloi sot një dialog për reformat e diskutueshme, mes kritikave të ashpra nga partitë opozitare franceze. “Objektivi i parë është të rivendoset konsensusi se ku po shkon vendi,” tha Macron në Marcoussis pranë Parisit përpara se të hapte takimin e të ashtuquajturit “Këshilli Kombëtar i Rinovimit”. Në takimin e parë të forumit të dialogut, së bashku me rreth 40 përfaqësues politikë lokalë, si dhe të shoqatave dhe sindikatave, Macron kërkoi të diskutonte çështjet e arsimit, shëndetësisë, punës, ndryshimeve klimatike dhe popullsisë së plakur të Francës. “Gjithashtu, pjesë e diskutimeve të ndryshimeve klimatike dhe plakjes, do të jenë edhe qytetarët, pasi këto zona ndezin shumë tensione brenda shoqërisë. Qëllimi është që populli francez të kthehet në qendër të diskutimeve dhe vendimeve përkatëse”, tha Macron. Macron shpreson se formati i ri i diskutimeve do të krijojë një mënyrë të re pune dhe do të sjellë në tavolinën e bisedimeve aktorë të ndryshëm. Megjithatë, partitë opozitare refuzuan të marrin pjesë në forumin e ditës së sotme. Sipas tyre Macron se po përpiqet të anashkalojë parlamentin.
- Advertisment -