Korpusi i Paqes në Shqipëri do të mirëpresë kthimin e vullnetarëve amerikanë në fillim të tetorit. Kthimi i vullnetarëve u njoftua bashkërisht sot nga Drejtoresha e Korpusit të Paqes, Megan Wilson dhe ministrja e Arsimit dhe Sportit, Evis Kushi në një aktivitet të organizuar me këtë rast. Vullnetarët nuk kanë shërbyer në Shqipëri që nga evakuimi i tyre në mars 2020 për shkak të pandemisë COVID-19. Pandemia globale shënoi herën e parë në historinë 60-vjeçare të agjencisë që vullnetarët u evakuuan nga të gjitha postet në mbarë botën. Që atëherë, stafi i Korpusit të Paqes në Shqipëri ka pilotuar një program shërbimi virtual, ka kryer trajnime për mësuesit, partnerët e komunitetit dhe të rinjtë dhe ka ndërtuar më tej marrëdhënie me partnerët shqiptarë gjatë përgatitjes për kthimin e vullnetarëve. Pas kthimit të tyre këtë vjeshtë, vullnetarët do të angazhohen përsëri me mësimin e gjuhës angleze, shëndetin dhe mirëqenien e të rinjve, si dhe zhvillimin organizativ.http://ata.gov.al/2022/09/08/vullnetaret-e-korpusit-te-paqes-do-te-kthehen-ne-shqiperi/
- Advertisment -