Kongresi hebre amerikan qëndron në krah të Republikës së Shqipërisë në kuadër të sulmit kibernetik të sponsorizuar nga shteti i Iranit kundër infrastrukturës kritike në vendin evropian. Ne lavdërojmë qeverinë e Shqipërisë, një aleate e SHBA-së dhe vend anëtar i NATO-s, për ndërprerjen e marrëdhënieve diplomatike me Republikën Islamike dhe bëjmë thirrje që regjimi brutal i Teheranit të vihet përballë përgjegjësisë nga komuniteti ndërkombëtar. Hetimi i Shqipërisë për sulmin kibernetik të muajit korrik u krye në bashkëpunim të ngushtë me qeverinë amerikane dhe institucionet partnere, duke arritur në përfundimin se qeveria e Iranit qëndronte pas përpjekjes për të aksesuar dhe shkatërruar të dhëna të rëndësishme dhe për të prishur shërbimet qeveritare. Sipas njoftimit të kryeministrit shqiptar Edi Rama, në sulmin agresiv kibernetik u përfshinë disa aspekte të paligjshme, duke përfshirë një grup famëkeq kibernetik-terrorist që më parë ishte pjesë e sulmeve kundër Izraelit, Arabisë Saudite, Emirateve të Bashkuara Arabe dhe vendeve të tjera të Lindjes së Mesme dhe Evropës. Aktiviteti i fundit ekspozon edhe një herë pamaturinë dhe synimet keqdashëse të regjimit iranian. Ndërsa komuniteti ndërkombëtar prej kohësh, ka patur besimin se mund ta nxiste Teheranin të vepronte si një vend i përgjegjshëm, Irani ka vazhduar të veprojë si një shtet mashtrues që kërcënon paqen dhe stabilitetin në rajonin e tij të afërt dhe më gjerë. Është e qartë më shumë se kurrë se duhen bërë përpjekje të bashkërenduara ndërkombëtare për të mbizotëruar në nxitjen e frikës, provokimet destabilizuese dhe mbështetjen e terrorizmit të Iranit, duke përfshirë hapësirën kibernetike.http://ata.gov.al/2022/09/07/nju-jork-kongresi-hebre-amerikan-qendron-ne-krah-te-shqiperise-pas-sulmit-kibernetik-te-paprecedente-te-iranit/
- Advertisment -