Arktiku nuk ka qenë kurrë kaq i ngrohtë në 7500 vitet e fundit

Arktiku nuk ka qenë kurrë aq i ngrohtë në 7500 vitet e fundit sa është sot, sipas një studimi të publikuar sot në revistën “Nature Communications”. Shkencëtarët përdorën një analizë që nga viti 5618 para Krishtit përmes së cilës zbuluan se shkalla e ngrohjes se epokës industriale ishte e paprecedentë dhe nivelet e temperaturës se verës ishin më të larta se ato të rindërtuara në shtatë mijëvjeçarët e fundit. Rindërtimi i klimës ishte i mundur sepse erozioni në gadishullin Yamal ka zbuluar trungje pemësh të lashta, unazat vjetore të të cilave mund të përdoren për të lexuar temperaturat e verës, të cilat ndikojnë në rritjen e një peme. Më shumë se 3500 trungje pemësh janë zhvarrosur në Siberi, ndërsa u analizuan për studim 1425 prej tyre.https://ata.gov.al/2022/08/25/nature-communications-arktiku-nuk-ka-qene-kurre-kaq-i-ngrohte-ne-7500-vitet-e-fundit/