Reduktimet e ujit, të ashpra në pikat më të larta

Thatësia dhe keqpërdorimi kanë ndikuar që Kompania Rajonale Ujësjellësit “Prishtina” të aplikojë reduktimet në disa lagje të kryeqytetit. Zonat më të prekura janë vendbanimet që konsiderohen në pika më të larta si lagja Veternik dhe Prishtina e re në Jug. Qytetarët ankohen se u detyruan të bëjnë zgjidhje duke siguruar individualisht rezervarët. Qytetarët e disa prej lagjeve në Prishtinë po përballen me reduktime të ujit të pijes. Kjo pasi po konsiderohet se nuk ka pasur reshje të mjaftueshme për çka ka rënie edhe të nivelit të ujit në liqenin e Batllavës e më shumë në atë të Badocit. “Gjendja është kritike në liqenin e Badovcit ku niveli ka rënë 9.1 metër që shënon një nga nivelet më ë ulëta që nga paslufta për muajin gusht”, thotë Sokol Xhafa, U.D. i kryeshefit të KRU “Prishtina”. Reduktimet janë më të ashpra në pikat më të larta. “Janë disa pjesa, më e afektuar është pjesa e Veternikut si pika më të larta dhe në disa lagje ka reduktime brenda natës. Për këto arsye banorët e lagjes Prishtina e Re në Jug u detyruan që vetë të bëjnë zgjidhjen”, thotë ai. “Kemi reduktime shumë orë jemi detyrua me investua vet me bo zgjidhje”, thotë Dan Imeri, banor në lagjen Prishtina e Re. “Ka veç 6 orë ujë ne i kemi edhe rezervarët por s’po kryejnë punë”, thotë Ardit Brovina, banor në lagjen Prishtina e Re.https://www.rtklive.com/sq/news-single.php?ID=614999