Gusht e gunë. Java ka nisur me mot të paqëndrueshëm, me shira e rënie temperaturash. Reshjet e shkurtra e me intensitet të lartë nuk munguan as në Tiranë. Në zonat bregdetare pati vranësira dhe det të trazuar. Por kjo nuk i pengoi pushuesit që të vijojnë plazhin. Sinoptikanët parashikojnë që e gjithë java që kemi para do jetë me mot të paqëndrueshëm, teksa pjesa e parë e ditës do jetë kryesisht e kthjellët dhe me diell, ndërsa pasditet me shira. Temperaturat e ajrit do të jenë më të freskëta, teksa termometri nuk do të ngjitet më shumë se 32 gradë Celsius.
