Presidenti ukrainas, Volodymyr Zelensky u bëri thirrje bashkatdhetarëve të tij që të qëndrojnë së bashku dhe të vazhdojnë të luftojnë. “Për fitoren e Ukrainës ne duhet të luftojmë, ka ende shumë për të bërë, duhet të qëndrojmë të vendosur dhe të durojmë ende shumë, për fat të keq shumë dhimbje”, tha ai në një fjalim video. Ukraina feston Ditën e Pavarësisë javën e ardhshme, më 24 gusht, që po ashtu shënon gjysmë viti që kur trupat e presidentit rus Vladimir Putin pushtuan vendin, më 24 shkurt. Zelensky paralajmëroi se forcat ruse mund të keqpërdorin Ditën e Pavarësisë së vendit të tij për sulme veçanërisht brutale. “Kështu është armiku ynë. Tashmë në çdo javë të këtij gjysmë viti, Rusia ka bërë diçka kaq të neveritshme dhe mizore gjatë gjithë kohës”, tha ai. Zelensky tha më tej se ai pret të mirëpresë partnerët në Kiev javën e ardhshme duke thënë se “lufta ka ndryshuar gjithçka për Ukrainën, për Evropën dhe për botën”. ”Qëllimi i Rusisë është të poshtërojë vendin dhe të përhapë frikë dhe konflikt, kështu që askush nuk duhet të përkulet para presionit dhe të tregojë dobësi”, tha ai.https://ata.gov.al/2022/08/21/kiev-zelensky-u-kerkon-ukrainasve-te-qendrojne-te-bashkuar-dhe-te-vazhdojne-luften/
- Advertisment -