Koha e duhur për miqësi të mirë

Një thënie e vjetër thotë se shokët e vërtetë numërohen në gishta, ndërsa një studim i ri revolucionon konceptin e miqësisë, duke vendosur që ju bëheni miq më të mirë pasi kaloni rreth 200 orë së bashku. Miqësia është një nga ndjenjat më të bukura, sepse mungesa e kontaktit njerëzor në jetën tonë mund të jetë shkatërrues në nivelin psikologjik. Një hapësirë e vogël për të menduar për veten është e mirë, nëse kalojmë periudha në vetmi të plotë që mund të dëmtojë brishtësinë tonë emocionale. Sot, në sajë të rrjeteve sociale, është gjithashtu e lehtë për të gjetur shokë të vjetër që për një arsye ose një tjetër kemi humbur kontaktet , por rekomandimi është të flasësh, të qeshësh dhe të dalësh së bashku në jetën reale, ndoshta për të pirë një kafe e për të kaluar sa më shumë kohë fizike. Miqësia mund të transformohet me kalimin e kohës, ndërsa bëhemi të rritur, por miqtë e vërtetë nuk ndryshojnë kurrë dhe përpiqen të jenë gjithmonë të pranishëm në situata të vështira. Studimi mbi miqësinë Jeffrey Hall, profesor i komunikimit në Universitetin e Kansas, është autori i teorisë së Komunikimit Bond Belong (CBB), i cili thekson se “një bashkëveprim social funksionon brenda një sistemi homeostatik, i zhvilluar nga presionet e brendshme për të takuar dhe ruajtur energjinë sociale “. Hall thekson se për të përmbushur nevojat sociale, njerëzit investojnë kohë dhe energji. Risia, është se hulumtuesit kanë përcaktuar sasinë se sa kohë duhet për t’u bërë një mik më i mirë. Një kohë për miqësi Në studim, studiuesit intervistuan 355 të rritur që kishin lëvizur në një qytet të ri në gjashtë muajt e mëparshëm. Pjesëmarrësit ishin, pra, të gjithë njerëzit të cilët ishin të detyruar nga rrethanat për të ndërtuar një rreth të ri shoqëror.Secili pjesëmarrës u pyet për të identifikuar njerëzit e rinj që kishin takuar, duke përjashtuar anëtarët e familjes, personat e njohur për interesa romantike ose që ata kishin takuar më parë. Pjesëmarrësit specifikuan se ku takuan personin e ri dhe sa kohë kishin kaluar së bashku. Një studim i dytë përfshinte 112 studentë nga Universiteti i Kansasit.Atyre iu kërkuan të emërojnë dy të njohurit e rinj dhe më pas t’i raportojnë studiuesve se kur këto marrëdhënie kishin ndryshuar. Rezultati Sa i përket kohës, u deshën 50 orë ndërveprim për të kaluar nga një njohje tek një mik i rastit, 90 orë nga një mik i rastësishëm tek një mik dhe më shumë se 200 orë për një person që të binte në kornizën e “shoku më i mirë”. Natyrisht, nuk është automatike, sepse kalimi i kohës së bashku nuk i kthen dy njerëz në miq. Disa nga pjesëmarrësit raportuan se kishin shpenzuar qindra orë me kolegë që ende ishin klasifikuar si të njohur në fund të studimit. Kjo zakonisht ndodh kur të njohurit nuk kalojnë kohë të lirë së bashku . Përtej studimit, të kesh miq është e mrekullueshme, sepse mbushin jetët tona dhe e mbushin atë me lumturi.