Çmimi i naftës bie sërish pas kërkesës më të ulët nga Kina

Çmimi i naftës shënoi rënie për shkak të shenjave të uljes së kërkesës së konsumatorit të dytë më të madh në botë të naftës, Kinës, ndërsa kompania saudite e naftës ”Aramco” tha se mund të rrisë prodhimin për shkak të pritjeve më të larta të kërkesës. Standardi ndërkombëtar i naftës së papërpunuar ”Brent” u tregtua me 97,14 dollarë për fuçi sot në mëngjes, me një rënie prej 1,02 për qind nga çmimi i mbylljes me 98,15 dollarë për fuçi. Standardi amerikan ”West Texas Intermediate” (WTI) ishte në 91,19 dollarë për fuçi në të njëjtën kohë me një rënie prej 0,97 për qind, kurse çmimi i mbylljes ishte 92,09 dollarë për fuçi. Të dhënat e Byrosë Kombëtare të Statistikave (NBS) treguan se qarkullimi ditor i naftës së papërpunuar në korrik të ekonomisë së dytë më të madhe në botë, Kinës, ra në nivelin më të ulët që nga marsi 2020. Duke sinjalizuar një dobësim të kërkesës, qarkullimi i naftës së papërpunuar të Kinës ka rënë me 8,8 për qind në 53,21 milionë tonë, ose 12,53 milionë fuçi në ditë në krahasim me të njëjtin muaj në 2021.http://ata.gov.al/2022/08/15/shba-cmimi-i-naftes-bie-serish-pas-kerkeses-me-te-ulet-nga-kina/