Spanja, ku më shumë se 220 mijë hektarë pyje janë djegur që prej fillimit të vitit, po lufton kundër zjarreve më të mëdha të shekullit 21, sipas agjencisë turke të lajmeve Anadolu Agency (AA). Ministria e Brendshme bëri të ditur sot se 95 për qind e zjarreve janë shkaktuar nga pakujdesia njerëzore. Sipas të dhënave të Sistemit Evropian të Informacionit për Zjarret në Pyje (EFFIS), Spanja po përjeton situatën më të rëndë të zjarreve në pyje në 22 vitet e fundit. EFFIS informoi se në Spanjë janë djegur më shumë se 220 mijë hektarë sipërfaqe pyjore.
Autoritetet deklarojnë se sipërfaqja e djegur pyjore është më e madhe se ajo në vitin 2012, një nga vitet me numrin më të lartë të zjarreve. Aktualisht, ndërsa zjarret në pyje vazhdojnë në pesë rajone të Spanjës, zjarri që shkatërroi më shumë se një mijë hektarë tokë në Santa Cruz del Valle në qytetin Avila në pjesën qendrore të vendit nuk është ende nën kontroll. Tre për qind e zonës u shkatërrua nga zjarret në zonën pyjore të Zamora-s në korrik.https://ata.gov.al/2022/08/08/spanja-lufton-me-zjarret-me-te-medha-te-shekullit/
