Ekspozita ngre pyetjen themelore se ku ndahet mjeshtëria nga arti, ku fillon njëra e ku mbaron tjetra? Veprat e ekspozuara, ftojnë publikun të kuptojë se arti lind edhe nga përditshmëria, nga puna e heshtur e duarve, nga kujtesa familjare dhe nga teknikat që janë përcjellë brez pas brezi.
Punimet e prezantuara dëshmojnë se, edhe pse motivet dhe format artistike evoluojnë me kohën, mjeshtëria mbetet elementi që garanton vazhdimësinë e identitetit kulturor shqiptar. Artizanët sjellin teknika tradicionale të qëndisjes, punimit të tekstilit dhe materialeve të ndryshme, duke i përshtatur ato me një qasje të re krijuese.
