Në simpoziumin ”Elektroprivreda NET 2022”, e zhvilluar në Budva u arrit në përfundimin se bankat ishin të gatshme të financonin projekte të mira në sektorin e energjisë dhe se ishte e nevojshme të absorboheshin më shumë fonde evropiane në dispozicion. Drejtoresha ekzekutive e Fondit për Investime dhe Zhvillim (IRF) Irena Radoviç deklaroi se ”përmes rolit të IRF-së u arrit forcimi i konkurrencës së ekonomisë së Malit të Zi, ofrimi i mbështetjes për ndërmarrjet mikro të vogla dhe të mesme, duke forcuar bashkëpunimin me të gjitha administratat lokale në Mal të Zi, dhe se ky institucion (IRI) është i fokusuar në tranzicionin dixhital dhe të gjelbër të ekonomisë malazeze”. ”Është shumë e rëndësishme që të gjithë të lidhen me njëri-tjetrin dhe të heqin të gjithë kufijtë. Ky do të jetë një treg i përbashkët në vitin 2024 dhe prandaj është shumë e rëndësishme t’i kushtojmë vëmendje konkurrencës së ekonomive tona”, theksoi Radoviç. Shefi i zyrës së KfW në Mal të Zi Zeljko Uljareviq theksoi se ”banka ka investuar mbi 670 milionë euro në Mal të Zi që nga viti 2000, kryesisht në tre sektorë: energji, shërbime komunale dhe sektorin financiar”. Ai tha se Bashkimi Evropian aktualisht ofron modelin më të mirë të financimit, duke shtuar se pengesat më të mëdha kanë qenë procedurat dhe konsensusi social për disa projekte. Shefja e bashkëpunimit në delegacionin e Bashkimit Evropian në Mal të Zi, Yngve Engstrom, tha se ”prodhimi
i energjisë është një aktivitet tregtar që kërkon një qasje shumë të kujdesshme”.
