Inteligjenca artificiale në shërbim të parandalimit të vrasjeve në shkolla

Pas të shtënave të njëpasnjëshme në një shkollë amerikane, ku u shkaktua vdekja e 21 personave, përfshirë 19 fëmijë, disa autoritete në Shtetet e Bashkuara të Amerikës po përpiqen të përdorin inteligjencën artificiale për të parandaluar këto tragjedi apo për të vepruar menjëherë dhe për të kufizuar dëmin. Sipas “The Detroit News”, në shkollën e mesme “Oxford” në Detroit, Michigan, në muajin prill nisi një eksperiment që lidh softuerin e IA me kamerat e sigurisë. Falë këtij sistemi të zhvilluar nga kompania “ZeroEyes”, shkolla, e cila është e njëjta ku më 21 nëntor një tjetër vrasës shkaktoi vdekjen e katër personave dhe plagosi shtatë të tjerë, do të ketë një sistem vëzhgimi me 100 kamera me një teknologji të aftë për të identifikuar subjektet që përdorin armë.https://ata.gov.al/2022/06/03/shba-inteligjenca-artificiale-ne-sherbim-te-parandalimit-te-vrasjeve-ne-shkolla/