Pajisjet teknologjike pengojnë zhvillimin kognitiv dhe psikik të fëmijëve

Kalimi i tepërt i kohës përpara ekraneve të televizorit, telefonave inteligjentë ose tabletëve që në muajt e parë të jetës mund të ndikojë negativisht në zhvillimin kognitiv dhe psikik të fëmijëve. Alarmi i ri për efektet e ekraneve tek fëmijët vjen nga një studim i Universitetit të Shangait ”Jiao Tong”, i publikuar në ”JAMA Pediatrics”. Studimi monitoroi 152 fëmijë nga 6 muaj deri në 6 vjeç, të klasifikuar në tre grupe, bazuar në zakonet e konsumit të mediave elektronike. Testet e kryera në fund të periudhës treguan se, krahasuar me fëmijët që përdornin në mënyrë të moderuar pajisjet elektronike, të dy grupet me konsum të lartë shfaqën aftësi intelektuale më të dobëta (përkatësisht -8,23% dhe -6,68% për të dy grupet). Veçanërisht të interesuar janë kujtesa, shpejtësia e arsyetimit dhe të kuptuarit verbal. Për më tepër, këta fëmijë kishin gjithashtu një rrezik pak të rritur (rreth 2%) për të vuajtur nga vështirësitë psikologjike dhe të sjelljes, veçanërisht nga problemet e vëmendjes dhe hiperaktivitetit.https://ata.gov.al/2022/06/08/paisjet-teknologjike-pengojne-zhvillimin-kognitiv-dhe-psikik-te-femijeve/