Ukraina vuan nga mungesa e energjisë mes temperaturave mbi 40 gradë Celsius

Me temperaturat që i kalojnë 40 gradë Celsius në jug, Ukraina po vuan nga mungesa e energjisë elektrike pasi ndërprerjet e paplanifikuara të energjisë elektrike janë vendosur në më shumë se shtatë rajone. Operatori i rrjetit “Ukrenergo” njoftoi përmes Telegramit se pajisjet nuk punojnë në një nga centralet energjetike, gjë që ka rezultuar në mungesë të energjisë. Ndërprerjet e planifikuara të energjisë elektrike janë vendosur në të gjithë vendin e shkatërruar nga lufta që nga maji, duke rezultuar që konsumatorët të marrin energji elektrike vetëm për disa orë në ditë. Prej javës së kaluar, temperaturat kanë qenë vazhdimisht mbi 30 gradë në disa pjesë të mëdha të vendit, me mbi 40 gradë në jug. Rusia ka shënjestruar dhe shkatërruar sistematikisht centralet e Ukrainës. Importet nga shtetet fqinje të BE-së ose Moldavia nuk janë në gjendje të kompensojnë deficitin e energjisë.