Ne po luftojmë kundër një armiku të tmerrshëm që nuk mund të përkufizohet si njerëzor – dhe që është pafundësisht larg krishterimit të vërtetë, tha presidenti ukrainas, Volodymyr Zelensky në Telegram me rastin e Ditës së Shtetësisë së Ukrainës. “Thelbi i tij është rrënimi…”, shtoi ai. “Ukraina nuk do t’i nënshtrohet të keqes që derdh gjak në emër të vetëpohimit të saj të sëmurë”, tha Zelensky. “Kjo është ajo mbi të cilën Rusia po ndërton shtetin e saj”, tha presidenti ukrainas. “Por ne jemi të ndryshëm. Ne jemi ndarë tashmë nga ky armik falë shpirtit tonë. Ne duhet ta mposhtim këtë të keqe dhe Ukraina do ta bëjë këtë”, theksoi Zelensky. “Ukraina do të jetë gjithmonë këtu. Historia jonë. Njerëzit tanë. Shteti ynë. Ju përgëzoj në Ditën e Shtetësisë së Ukrainës! Dhe falënderoj të gjithë ata që janë me Ukrainën!”, tha ai. “Është shumë e rëndësishme të kemi besim të palëkundur në fitore dhe një paqe të drejtë për Ukrainën – jeta duhet ta kapërcejë këtë luftë dhe të gjitha të këqijat që ajo sjell me vete”, tha Zelensky në një postim tjetër.
