Diga provizore mbi lumin e Kalasë me volum prej 1000 m3 bën të mundur vaditjen e mbi 200 ha tokë bujqësore. Ministrja e Bujqësisë dhe Zhvillimit Rural, Anila Denaj ndau sot pamje nga kjo digë mbi këtë lumë, dega më e madhe e Bistricës në verilindje të Sarandës, me gjatësi 34 km. Ministrja thekson se, investimet në infrastrukturën bujqësore janë në vëmendjen dhe prioritetin e qeverisë dhe njësive të qeverisjes vendore. Denaj nënvizoi se ku koordinim ofron më shumë garanci dhe siguri për fermerët tanë, punën, mundin dhe produktet e tyre.
