Zyrtarët amerikanë kanë miratuar një ilaç tjetër për Alzheimerin që mund të ngadalësojë në mënyrë modeste sëmundjen, duke ofruar një mundësi të re për pacientët në fazat e hershme të sëmundjes së pashërueshme, që shkatërron kujtesën, sipas “abc News”.
Administrata e Ushqimit dhe Barnave (FDA) miratoi dje perdorimin e “Kisunla” të “Eli Lilly&Company” një kompani farmaceutike amerikane me qendër në Indianapolis – për raste të lehta ose të hershme të demencës të shkaktuar nga Alzheimeri.
Ky është ilaçi i dytë që ka treguar bindshëm se vonon rënien njohëse te pacientët, pas miratimit të vitit të kaluar të një ilaçi të ngjashëm nga kompania japoneze “Eisai”.
Vonesa e parë me të dyja barnat arrin në disa muaj – rreth shtatë muaj.
Pacientët dhe familjet e tyre do të duhet të vihen në dijeni për efektet negative, duke përfshirë infuzionet e rregullta IV dhe efektet anësore potencialisht të rrezikshme si ënjtja e trurit.
Mjekët që trajtojnë Alzheimerin thonë se miratimi i këtij ilaçi është një hap i rëndësishëm pas disa dekadash trajtimesh eksperimentale të dështuara.
Si “Kisunla” ashtu edhe ilaçi japonez, “Leqembi”, janë antitrupa të prodhuara në laborator, të administruara nga IV, që synojnë një kontribues në Alzheimer – akumulimin e pllakave ngjitëse amiloide në tru. Ende ka pyetje se cilët pacientë duhet të marrin barnat dhe për sa kohë mund t’i përdorin.
Kostot do të ndryshojnë sipas pacientit, bazuar në kohëzgjatjen që ata marrin ilaçin, tha “Lilly”.
Kompania tha gjithashtu se terapia 1-vjeçare do të kushtonte 32,000 dollarë – më e lartë se çmimi prej 26,500 dollarësh i “Leqembi”.
FDA u tha mjekëve se mund të marrin në konsideratë ndërprerjen e ilaçit pasi të konfirmojnë përmes skanimeve të trurit se pacientët kanë pllakë minimale.
Administrata Amerikane e Ushqimit dhe Barnave – FDA miratoi “Kisunla”, e njohur kimikisht si donanemab, bazuar në rezultatet nga një studim 18-mujor.
