Sipas një raporti, princit Harry i është kërkuar drejtpërdrejt nga babai i tij, mbreti Charles III, të ndalojë rrjedhjen e detajeve personale në lidhje me jetën private të familjes mbretërore, shkruan nypost.com.
Harry dhe gruaja Meghan Markle mbyllën në mënyrë sensacionale derën e jetës mbretërore në vitin 2020 dhe nxituan PëR jashtë shtetit, në një kërkim të dëshpëruar për privatësi.
Por, menjëherë pasi u vendosën në Montecito, Kaliforni, dyshja nënshkroi një seri projektesh të gjithanshme, secila prej të cilave zbuloi detaje bombë rreth përçarjes së vazhdueshme midis dy kampeve.
Pasi u ulën për një intervistë me Oprah Winfrey, duka dhe dukesha e Sussex-it vazhduan të publikojnë dokumentarin e tyre gjashtëpjesësh në Netflix, si dhe kujtimet e Harryt, “Spare” që thyen protokollin.
“Harryt i është kërkuar drejtpërdrejt nga babai i tij që të mos shkruajë apo të thotë asgjë publikisht për familjen ose vëllanë e tij që mund të shkaktojë probleme”, theksoi komentatori mbretëror Tom Quinn për ”Mirror”.
“Dhe të gjithë e dinë se kur një mbret të kërkon të bësh diçka, do të ketë pasoja nëse nuk bindesh. Gjatë viteve që Harry është ankuar për trajtimin e familjes së tij, ai ka pasur vetëm një qëllim: të kërkojë falje dhe të shohë babanë dhe vëllanë e tij të korrigjohen”, shtoi ai.
“Harry thjesht nuk mund ta kuptojë se ankesa private do të funksiononte; ankesa publike vetëm i bën gjërat më keq, dhe në rastin e Harrit, kjo do të thotë se gjithnjë e më shumë lidhje me të kaluarën e tij ndërpriten’’, shton ai.
Midis zbulimeve të panumërta në librin e tij, ndjenjat e Harryt për mbretëreshën Camilla, 76 vjeçe, u zbuluan teksa ai e quajti në mënyrë sensacionale “të rrezikshme” dhe “të keqe”.
Babai i dy fëmijëve pohoi gjithashtu se njerka e tij zbuloi në media histori për familjen mbretërore për të ruajtur imazhin e saj dhe për të rritur popullaritetin e saj.
“Kam ndjenja komplekse për të fituar një njerkë që mendova se më kishte sakrifikuar kohët e fundit në altarin e saj personal të marrëdhënieve me publikun”, shkroi ai.
Ajo tha se takimi me Camillan, të cilësuar si “gruaja tjetër” në librin e tij ishte si një “injeksion”, duke shkruar “mbyllni sytë dhe as nuk do ta ndjeni”.
