30 marsi, afati i fundit i pagesës së kësteve të tatimfitimit

Administrata Tatimore rikujton tatimpaguesit se 30 marsi është afati i fundit i pagesës së kësteve të tatimit mbi fitimin për 3-mujorin e parë të vitit 2023. DPT njofton gjithashtu se 31 marsi është afati i fundit për pagesën e tatimit mbi fitimin sipas pasqyrave financiare dhe deklaratës vjetore të tatimfitimit për vitin 2022, bazuar në ligjin “Për tatimin mbi të ardhurat”. Sipas ligjit, mosdeklarimi i saktë dhe mospagesa brenda muajit mars, penalizon tatimpaguesit me gjoba dhe interesa. DPT udhëzon të gjithë tatimpaguesit, që me qëllim shmangien e penaliteteve dhe kostove shtesë, të bëjnë deklarimet saktë, në afat dhe të paguajnë detyrimet brenda afatit. atsh