Prodhuesi gjerman i armëve ”Rheinmetall” do të përfundojë rinovimin e 29 tankeve ”Leopard 2”, të cilat do të dërgohen në Sllovaki dhe Republikën Çeke në pranverë. Ky prodhim është pjesë e një skeme tregtare të pajisjeve të drejtuar nga qeveria gjermane për të furnizuar në mënyrë indirekte armë Ukrainës nëpërmjet aleatëve, e njohur si një ”shkëmbim rrethor”. “Këto tanke i përkasin qeverisë federale. Ajo mund të bëjë me ta çfarë të dojë”, tha shefi ekzekutiv i ”Rheinmetall”, Armin Papperger. ”Deri në fund të marsit ‘Rheinmetall’ do të ketë rreth 29 tanke ‘Leopard 2A4’, të cilat ishin caktuar për Sllovakinë dhe Republikën Çeke, gati për dislokim”, theksoi Papperger. Megjithatë, një zëdhënës i ”Rheinmetall” i tha grupit të medias gjermane ”Redaktionsnetzwerk Deutschland” (RDN) se tanket do të jenë gati midis prillit dhe majit. ATSH
- Advertisment -