Nismës së qeverisë për “Ndihmë Juridike Falas” i janë ofruar edhe 24 avokatë pjesë e Dhomës Vendore të Avokatisë së Tiranës. Në takimin e organizuar sot në Tiranë, për profesionalizmin e avokatëve të ndihmës juridike falas, merrnin pjesë të 24 avokatët ofrues të ndihmës juridike të garantuar nga shteti, të cilët diskutuan mbi sfidat e garantimit të një mbrojtjeje ligjore efektive të të drejtave të qytetarëve në nevojë. Aktiviteti dy ditor do të vijojë me të gjitha dhomat vendore të avokatisë si pjesë e mbështetjes së PNUD /Projektit EFLAS ndaj Dhomës së Avokatëve të Shqipërisë dhe Drejtorisë së Ndihmës Juridike Falas, për profilizimin dhe rritjen e profesionalizmit të avokatëve të ndihmës juridike falas. Projekti EFLAS për Zgjerimin e ndihmës juridike falas zbatohet nga PNUD në partneritet me Ministrinë e Drejtësisë me mbështetjen e Bashkëpunimit Austriak për Zhvillim (ADC) Zgjerimi i shërbimit të ndihmës juridike falas për njerëzit që kanë më shumë nevojë për të, ka marrë një rëndësi të madhe veçanërisht duke konsideruar kërkesën gjithnjë e më të lartë për këtë shërbim në tre vitet e fundit. Gjatë periudhës janar 2021 – gusht 2022, nëntë Qendra të Ndihmës Juridike Falas të mbështetura nga PNUD Shqipëri në Durrës, Fier, Lezhë, Dibër, Shkodër, Pogradec, Vlorë dhe Gjirokastër kanë ofruar shërbim të ndihmës juridike falas për 3556 qytetarë në nevojë, nga të cilët 1714 gra.https://ata.gov.al/2022/09/15/24-avokate-ofrues-te-ndihmes-juridike-falas/
- Advertisment -