Rreth 21 milionë njerëz në qytetin kinez të Chengdu hynë në mënyrë efektive në karantinë, ndërsa autoritetet po përpiqen për të shuar një shpërthim të ri Covid-19. Kina po aplikon një politikë zero-Covid, ndaj ka ndërmarrë veprime të menjëherëshe për izolim të popullisë, testime masive dhe karantina të gjata. Chengdu, në jugperëndim, u bë qyteti i fundit që njoftoi një mbyllje, duke thënë në një njoftim zyrtar se banorët duhet të “qëndrojnë në shtëpi në parim” nga ora 18:00 e ditës së enjte. Çdo familje do të lejohet të dërgojë një person për të blerë sende ushqimore dhe mallra thelbësore, me kusht që ata të kenë rezultuar negativ në 24 orët e mëparshme, thuhet në njoftim. Të gjithë banorët do të testohen për virusin midis të enjtes dhe të dielës dhe u kërkohet atyre të mos largohen nga qyteti nëse nuk e kanë “absolutisht e nevojshme”. “Gjendja aktuale e kontrollit të epidemisë është anormale, komplekse dhe e zymtë”, thuhet në njoftim, duke shtuar se masat synojnë “të ndalojnë me vendosmëri përhapjen e shpërthimit dhe të garantojnë shëndetin e të gjithë qytetarëve”. Chengdu regjistroi 157 infeksione të reja lokale të enjten, nga të cilat 51 nuk shfaqën simptoma, tha qeveria e qytetit në një njoftim të veçantë. Prodhuesi suedez i makinave Volvo tha se bllokimi e kishte detyruar atë të mbyllte përkohësisht fabrikën e saj në Chengdu, e cila punëson gati 3,000 njerëz. Fotografitë e rafteve bosh të supermarketeve dhe banorëve të Chengdu që përpiqen të grumbullojnë sende ushqimore u bënë virale në mediat sociale. Fëmijët në të paktën 10 qytete dhe provinca në të gjithë Kinën po përballen me ndërprerje në vitin e tyre të ri akademik pasi kontrollet pandemike i detyrojnë shkollat të kalojnë në mësimin online, sipas një raporti të publikuar të enjten në mediat e lidhura me shtetin.https://lajme.rtsh.al/artikull/kine-21-milione-banore-ne-karantine-rikthehet-nje-vale-e-re-infektimesh-me-covid-19-
- Advertisment -