“Kukësi” ka zyrtarizuar këtë të hënë blerjen e mbrojtësit Vasili Zogos. Futbollisti 23-vjeçar ka nënshkruar një kontratë 2-vjeçare me klubin verilindor. “Kukësi” ka njoftuar në rrjetet sociale transferimin e qendërmbrojtësit. “Mirësevjen Vasili Zogos! Futboll Klub Kukësi njofton se mbrojtësi Vasili Zogos është zyrtarisht futbollist i skuadrës sonë! Futbollisti 23-vjeçar ka firmosur ditën e sotme me klubin tonë një kontratë për 2 sezone, duke u bërë futbollisti më i ri në skuadër. 23-vjeçari, i lindur në Athinë vjen te Kukësi nga kampionati Shqiptar ku së fundmi ka qenë pjesë e FK Bylis! Klubi i Kukësit i uron mirëseardhje futbollistit Vasili Zogos dhe shumë suksese me fanellën e skuadrës sonë. Mirësevjen Vasili!” Qendërmbrojtësi është afrimi i tretë për skuadrën e Rrahman Hallaçit, pas Mario Beshirajt dhe Blerim Sahitajt. Zogos veç “Bylisit” ka luajtur më parë në Itali me skuadrën e “Alessandrias” dhe në SHBA me “Michigan Stars”. atsh
- Advertisment -